TACLOBAN CITY – Nawara ngan gin-aaligar nalumos an usa nga lalaki ha Brgy. Gen. Lucban, Bobon Northern Samar
Basi ha report han Bobon PNP, ginkilala an nalumos nga biktima nga hi Ruben Alzaga, 58 anyos, waray trabaho, ngan residente ha Brgy. Sta. Clara han mao nga bungto.
Ha inisyal nga imbitigasyon han mga otoridad, upod han biktima an iya mga sangkay han mag-irignom hira pero an biktima in nagsarit nga matabok ha sawangan point kay hiya in mangingisda.
Pero waray na makabalik an biktima ngan pira ka oras an nakalabay in nakit-an nala ini nga nagpalutaw-lutaw ngan waray na kinabuhi.
Nagpapadayon pa an imbistigasyon han mga kapulisan kun an biktima ba talaga in nalumos o mayada pa ini nga sitwasyon nga nahinabo kun kayano namatay an 58 anyos nga lalaki.
