Davao City – Padayong mitabang ang Department of Education (DepEd-XI) sa Department of Health (DOH-XI) ug mga lokal nga panggamhanan sa Davao Region alang sa mga programa kontra COVID-19.
Gibutyag ni DepEd XI spokesperson Jeneilito Atillo, wala naapektuhan ang klase ug mga magtutudlo samtang gigamit ang pipila ka mga eskwelahan.
“Ang among ginahimo as the solution is we just moved the areas kung asa ga-station ang mga magtutudlo. Naa may mga eskwelahan nga pweding maka-cater sa gidaghanon sa magtutudlo kansang mga eskwelahan gigamit either isolation o vaccination sites,” sumala niini.
Sa datus sa DepEd-XI, 39 ka mga eskwelahan ang gigamit nga vaccination sites, 10 sa Davao City, 20 sa Mati City ug 9 sa nagkadaiyang areas sa Davao Oriental.
Samtang, 19 usab ka mga tulunghaan ang gi-utilize nga Isolation sites, 6 sa Davao City, 3 sa Davao del Norte, 2 sa Davao Occidental, 3 sa Davao de Oro ug5 sa Davao Oriental.
Matud ni Atillo, walay na report nga naka-lockdown nga eskwelahan ug kung ipailawom man sa lockdown ang usa ka eskwelahan tungod sa COVID-19 ipaagi usab kini’g proseso.
Sa pikas bahin, sa Hulyo 10, 2021 mahuman ang klase sa mga estudyante sa pampublikong eskwelahan ilawom sa distance learning.
RadyoMaN Aimee Guinita
