58 ka mga inmates sa South Cotabato Provincial Jail, nagpositibo sa illegal drugs.

Nagalab-ot sa 58 ka mga inmates sang South Cotabato Rehabilitation and Detention Center lakip na ang presidente sang mga ini kag pipila ka selda leader ang nagpositibo sa ilegal nga droga sa ginpatigayon nga random drug test sa mga ini sang nagligad nga semana.
Suno kay OIC Provincial Jail Warden Felicito Gumapac ang nasambit nga tikang sang iya pamunuan ang matapos nakumpiskar ang tatlo ka sachet sang ginapatihan nga shabu sa gwa sang isa ka selda nga ginhaboy sang mga inmates tungod sa istrikto niya nga pagpatuman suno pa sang kampanya kontra illegal drugs sa Rehabilitation and Detention Center.
May-angot sini, sa subong suno pa gin-isolate ang nasambit nga mga nagpositibo sa illegal drugs kag i-manifest sa korte matapos nga pipila sa mga ini ang nag-avail sang plea bargaining.
Sa subong suno kay Gumapac mas ginpahugtan niya pa gid ang ginapatuman nga inspeksyon kag ginadumilian ang pagpasulod sang mga balunan nga indi transparent nga posible gamiton agud makalusot ang kontrabandos kapareho na lamang sang surudlan sang biscuit, ice cream kag iban pa.
Ginpasiguro man ni Gumapac nga magapadayon ang pagpaidalom sa random drug test sa mga inmates sang South Cotabato Provincial Jail nga gin-umpisahan naman sang anay nga warden.

Facebook Comments