Anum sa pulo ka mga Filipino ang naga-observe sang physical distancing para makalikaw sa COVID-19.
Suno sa Social Weather Station (SWS) mobile phone survey, 76% sang mga adult Pinoy ang nagasiling nga permi sila nagasuksok sang face mask kon maguwa sa balay, 65% naman ang nagsiling nga “always” sila nagapanghugas sang kamot pila ka beses sa isa ka adlaw.
Dugang pa sang survey nga 59% ang nagsiling nga naga-observe sila sang one meter distance halin sa iban nga tawo samtang yara sa guwa sang ila panimalay.
Kon ikumparar ang survey sadtong May 2020, halos wala sang pagbag-o ang nagasiling nga nagasuksok sila sang face mask nga yara sa 77% samtang 68% naman ang nagahambal nga nagapanghugas sila sang kamot.
Apisar sini nagnubo naman sang 5% halin sa 64% ang nagsiling nga naga-observe sila sang physical distancing.
Ginpatigayon ang survey sadtong Hulyo 3 tubtob 6, 2020. (Aaroon Favila photo/AP)
<www.avg.com/email-signature?utm_medium=email&utm_source=link&utm_campaign=sig-email&utm_content=webmail>
