Davao City – Moabot na sa 590 ka mga sako sa NFA rice ang gipang apod-apod sa National Food Authority kun NFA Davao ngadto sa mga outlets kagahapong adlawa human nga adunay nahiram nga 8,000 ka mga sako sa NFA rice gikan General Santos City.
Kini ang gikumpirma ni Leonila Selpa, NFA Davao manager atol sa interview sa DXDC RMN Davao kaniya.
Gawas sa mga outlets, aduna usab rolling stores nga ilang gipang-apuran diin 27 pesos per kilo ang presyo samtang sa merkado 32 pesos per kilo ang NFA rice.
Sumala niya nga duha ka mga brgy. ang naadtuan subay ilang gipahigayong rolling stores nga mao ang Brgy 10-A ug Tomas Monteverde, Agdao ning syudad sa Davao.
Samtang ugmang adlawa, Hunyo 23, 2018 lauman nga muabot na ang 200,000 ka mga sako sa NFA rice nga gitagana alang sa NFA Davao.
RadyoMaN Renz Barbarona
