Surallah, South Cotabato— Hilabihan ang trauma sa usa ka singko anyos nga batang babaye human kining mabiktima sa lugos sa Brgy. Naci, Surallah, South Cotabato.
Sumala kang Police Chief Inspector Jardi Mont Sibal, hepe sa Surallah Municipal Police Station nga ang suspek nailang si Alyas Lito, 23 anyos nga residente sa nasangpit nga lugar kung asa ang biktima ang anak-anakan sa iyahang igsuong babaye.
Pamahayag niini nga alas 3 ang takna sa hapon dihang nahitabo ang pagpanglugos dihang hubog matud pa ang suspek ug pugsanon niining gilugos ang biktima sa kasagbutan nga bahin sa lugar
Swerteng may nakakita sa maong pagpanglugos nga gilayong mi-report sa kapulisan ug daling respondehan kung asa misuway pa ug sibat ang suspek apan malampuson gihapon nga naaresto.
Sa kasamtangan, balhog na sa lock up cell sa Surallah PNP ang suspek ug ginahikay na ang tukmang kasong ipasang-at batok kaniya.
Pag-angkon ni PCI Sibal nga makaalarma ang kaso sa lugos sa probinsya sa South Cotabato kung asa uban sa mga biktima ang gipangpatay sa mga suspek. (Lore Romualdo)
