Davao City – Patay ang usa ka batang lalaki nga gituohang nalumos ug nakaplagan alas 9:40 sa buntag didto sa Purok 12 Saint.John Dapsa Bucana Brgy 76-A siyudad sa Davao.
Sa report gikan sa San Pedro Pnp ang biktima nailang si alyas Jeff, 6 anyos, usa ka tribong Maranao nga taga Boulevard ning siyudad.
Sa imbestigasyon nga gilusad sa kapolisan sa San Pedro sa pagpanguna ni Sr.Police Officer 1 Julito Honor, sumala pa alas 9:45 sa buntag samtang nanagat si Roel Taporok didto sa lawod partikular sa Davao Gulf iyang nakita ang patayng lawas sa biktima.
Usa ka oras ang milabay miabot ang ginikanan sa biktima diin nasuta nga ang iyang anak maoy nakit-an human namissing sukad kagahapon pasado alas 5:00 sa hapon sumala usab sa nakakita sa nahisgutang lugar nga nahulog kini sa imbornal (open drainage).
Ang patayng lawas sa biktima gidala na sa ilang pinuy-anan ug didto na ipahilona subay sa tradisyon sa mga Muslim.
RadyoMan Don Pulayao
