Patay an usa nga bata ha Brgy. Pupua Catbalogan City, Samar matapos makakaon hin tahong tikang ha kadagatan nga positibo hin red tide.
Ginkilala an says anyos nga bata nga hi Froilan Basal, residente ha nasabi nga Barangay.
Subay hiton imbistigasyon, nanguha hin tahong shelfish an tatay hini dapit ha Maqueda Bay kun diin ngada yana sumala han BFAR in positibo la gihapon han mao nga toxine.
Igindalagan gihapon ha Samar Provincial Hospital an lima hini nga mga kabugtuan kay amu gihapon an ira sitwasyon, nakakaon hin tahong. Nakaabat daw an mao nga mga bata hin sakit ha tiyan ngan pamamanhod.
Samtang base ha report, 37 ka tawo tikang ha Zumarraga Samar an gindara gihapon ha mao nga hospital kay napoison gihapon han red tide.
Ha Advisory nga ginpagawas han BFAR, red tide positive la gihapon an mga masunod; Irong Irong Bay, Maqueda Bay, Villareal Bay, ngan kadagatan ha Daram ha Samar, Matarinao Bay ha Eastern Samar ngan Carigara Bay ha Leyte.
Pahinumdom han BFAR ha publiko, likayan gadla anay it pagkaon hin bis ano shellfish o mga pantion ha kadagatan ngan upayon paglimyo hin isda nga napapalit ha merkado.
