Davao City – Arestado sulod sa gituohang drug den sa Purok Bakhaw, Punta Biao, Barangay Cogon, Digos City, Davao del Sur ang gikonsiderang number 5 Provincial Target Listed Drug Personality sa Davao del Sur lakip na ang lima pa ka mga drug den visitors.
Matud ni PDEA XI spokesperson Noli Dimaandal, anaa sa 14 gramos sa gisuspetsahang shabu nga mobalor sa P210, 000 ang street value, ang mga narekober nga gidiling droga.
Gisilbi ang search warrant sa suspek nga si Gilbert Bucao, kinsa caretaker sa nasangpit nga drug den.
Samtang, arestado usab ang laing 5 ka mga suspected drug den visitors nga sila Wildan Amel, Jhunrie Cadiente, Ryan Deloria, John Loiue Macas ug Frich Namo.
Kasong paglapas sa RA 9165 ang gipasaka batok sa mga drug suspects.
RadyoMaN Aimee Guinita
