Davao City – Sulod selda nagsaulog og Valentine’s Day ang unom ka mga indibidwal human nadakpan sa gikasang joint drug buy bust operation sa Philippine Drug Enforcement Agency (PDEA XI) ug kapolisan sa usa ka giingong drug den sa may Purok 5, Brgy. 37-D, Trading Boulevard, ning dakbayan sa Davao.
Giila ang mga dinakpan nga sila Roldan Rabina, Glenn Rabina ug Rene Sumile kinsa matud pa napalitan og usa ka pakete nga gituohang shabu.
Samtang arestado usab sila Cesar Custodio, Arnel Credo ug Ronald Rae Acosta nga giingong mibisita sa maong drug den.
Mobalor matud pa sa P90 mil kantidad sa shabu sa kapin napulo ka mga pakete nga shabu ang narekober nga motimbang og 6 ka gramo lakip nakumpiska ang illegal drugs paraphernalia.
Ang unom ka suspek mag-atubang og kasong kalapasan sa RA 9165 Comprehensive Dangerous Drugs Act of 2002.
Ang pagkasikop sa mga dinakpan kabahin sa padayon ug mas gipakusgan nga kampanya kontra iligal nga droga.
RadyoMan Don Pulayao
