Arestado ang anum ka mga persona lakip na ang maintainer sang isa ka drug den sa ginpatigayon nga anti-narcotic operation sang Philippine Drug Enforcement Agency (PDEA) Regional Office 12, South Cotabato Police Drug Enforcement Unit (SCPDEU) kag Tampakan Municipal Police Station alas 3:30 sang hapon sang Agosto 4 subong nga tuig sa Purok Milagrosa, Brgy. Poblacion, Tampakan, South Cotabato.
Ginpatigayon ang buy-bust operation batok kay Reynaldo Malila Bocio, 28-anyos kag welder.
Nadakpan ang suspek paagi sa pagbaligya sang 1 ka sachet sang suspected shabu kambyo sang P500.00 buy-bust money.
Samtang nadiskubrihan man nga may nagapatigayon sang pot session sa puluy-an ni Jimboy Puli Yanan, 35-anyos kag nakuha sa nasambit nga lugar ang 1 ka medium sachet sang suspected shabu may kabug-aton nga more or less 10 grams nga nagakantidad sang P68,000.00, 2 ka disposable lighters ,improvised aluminum needle kag 4 pcs.aluminum foil strips.
Naaresto man ang yara sa drug den nga ginkilala kanday George Malila Yanan,18-anyos kag jobless, Binay Malila Yanan, 46-anyos, Ace Malila Puli,19 –anyos kag jobless, kag Paterno Quiday Pacaonsis, 33-anyos kag driver.
Ang mga suspetsado ang nagapangatubang naman sang pagbayolar sa Article II of Republic Act 9165 ukon the Comprehensive Dangerous Drugs Act of 2002.
<www.avast.com/sig-email?utm_medium=email&utm_source=link&utm_campaign=sig-email&utm_content=webmail>
