Davao City- Naaresto ang 6 ka mga wanted persons sa gikasang Joint Anti-Criminality and Terrorism Operation Plan kun Oplan Bulabog kaganinang buntag sa pipila ka mga Brgy. dinhi sa syudad sa Davao.
Sikop sa kapulisan sila Glenn Albano nga dunay kasong frustrated murder, Robert Relacion ug Allan Feliciano Corpuz sa kasong murder, Erick Rulete sa bayolasyon sa City Ordinance 0367-12, Jerry Joseph sa kasong kawat ug Arnold Bucol sa kasong rape ug Acts of Lasciviousness.
Samtang 1,657 ka mga residente ang gipailawom sa profiling diin 1,311 niini ang dunay napakitang IDs, 346 transient residents ang walay IDs ug duha ang naidentipika nga Internal Displaced Persons kun IDPs.
Dugang niini, 6 ka single motorsiklo ang na-impound tungod sa nagkadaiyang traffic violations ug 15 ang naisyuhan og TOPs.
Gihimo ang maong operasyon kaganinang alas 6 ug nahuman alas 10 sa buntag sa pagpanguna sa Davao City Police Office kun DCPO uban ang Taskforce Davao ug mga nagkadaiyang security forces diin asa gipahigayon kini sa Brgy. Leon Garcia Agdao, San Pedro, Bago Aplaya, Talomo, Sasa, San Jose, Carmelite Road, Buhangin, Tibungco, Bunawan, Brgy. Lizada Toril, Brgy. Tacunan, Tugbok ug sa Abayon village Calinan ning syudad.
Base sa talaan sa DCPO, kapin 30 na ka oplan bulabog ang napahigayon dinhi sa syudad.
RadyoMaN Renz Barbarona
