ILOILO City – Anum ka barangay sa syudad sang Iloilo ang yara sa areas of concern sang Iloilo City Police Office (ICPO).
Ini ginalakipan sang Brgy. Sinikway, Ingore kag Lapuz Norte sa distrito sang Lapaz kag brgy Dungon A, Dungon B kag Tacas sa distrito sang Jaro.
Suno kay ICPO Spokesperson Shella Mae Sangrines, may namonitor sila nga presensya sang mga progresibo nga grupo sa nasambit nga mga lugar nga posible may kaangtanan sa rebelde nga grupo sang CPP-NPA-NDF.
Gin-athag ni Sangrines nga lain ang areas of concern sa Election Watchlist Areas (EWAS).
Bangud sini, padayon ang masangkad nila nga intelligence monitoring sa 6 ka brgy agud indi na maapektuhan ang kalinong kag katawhay sang brgy kag SK elections sa syudad sang Iloilo.
Magasapul ang COMELEC, AFP kag PNP agud mahibalu-an kon mapaidalom sa EWAS ang 6 ka brgy nga yara sa karon sa areas of concern sang ICPO.
Photo from web
