Davao City – Gibutyag sa Davao Regional Medical Center (DRMC) nga sila nakatala og unom (6) ka kumpirmadong kaso sa pertussis o whooping cough.
Sa statement sa DRMC sa ilang Facebook page, ang maong 6 cases natala sa March 24, 2024.
Niadtong 2023, ang hospital nakatala og 4 confirmed cases sa pertussis gikan sa 38 suspected cases.
Matud sa Department of Health (DOH), makatakod ang pertussis diin ang nagbalatian niini, posibleng makatakod sa laing 18 pa ka indibidwal, bata man o edaran.
Timailhan sa whooping cough, mao ang talinis o ipit nga paggingawa human sa pag-ubo. Mamahimo usab nga makasinati ang usa ka bata og lisod nga paginhawa ug pagsuka.
Gitambagan usab sa DOH-XI ang publiko nga magpabakuna ilabi na ang mga bata nga 6-23 months, diin matud sa DOH, makatakod ang pertussis, apan kini mapugngan pinaagi sa pagpabakuna.
RadyoMaN Kirby Manzon
Facebook Comments
