Sa interview sa DXDC RMN Davao kang Police Captain Bryan Conson, Officer In-Charge sa Banaybanay Municipal Police Station (MPS), iyang gibutyag nga ang 6 ka riders pirmi na nga naga-drag race gikan Lupon padulong Banay matag-weekend.
Pinaagi usab sa tabang sa Lupon MPS, nadakpan ang nahisgutan nga aduna pay menor de edad ug nasuta nga sila walay helmet, walay rehistro ang motor ug walay mga lisensya.
“Maski pa’g walay nadisgrasya, risky man gud. Delikado gyud ang drag race ilabi na’g dili kumopleto (sa protective gears) especially sa atoang riders. Unya basin makaangin pa ni’g mga sibilyan diha nga naa lang sa daplin,” sulti ni Conson.
Sa pagkakaron, naka-impound ang mga motor sa nahisgutan ug ang Land Transportation Office (LTO) ang mo-assess usab kung unsa ang tukmang kasong atubangon sa maong mga rider.
RadyoMaN Kirby Manzon
