Gisikop sa kapulisan sa Misamis Oriental ang unom ka mga wanted persons sulod lamang sa tulo ka adlaw.
Gihimo ang operasyon gikan niadtong Nobyembre 13 hangtud Nobyembre 15 ning tuiga.
Lakip sa nasikop mao silang:
- Lorimer Pahunang, 30 anyos, minyo ug taga Sitio Nabugo, Barangay Mosangot, Binuangan, Misamis Oriental.
Si Pahunang gisikop sa kapulisan sa Binuangan Municipal Police Station tungod sa kasong Qualified theft nga dunay piyansa nga 24-mil pesos.
- Maribel Lagno, 29 anyos, minyo ug taga Barangay San Juan, Balingasag, Misamis Oriental.
Si Lagno gisikop sa kapulisan sa Balingasag Municipal Police Station tungod sa kasong Grave Oral Defamation nga dunay piyansa nga 18-mil pesos.
- Robert Villaros, 40 anyos, ulitawo ug taga Barangay 24, Gingoog City.
Si Villaros gisikop sa kapulisan sa Gingoog City tungod sa kasong 2 counts sa pagsupak sa Republic Act 9287 o Illegal gambling ug dunay piyansa nga 100-thousand pesos.
- Virginio Balacuit Jr. 28 anyos ug taga Purok 8, Barangay G. Pelaez, Gitagum, Misamis Oriental.
Si Balacuit gisikop sa kapulisan sa Gitagum Municipal Police Station tungod sa kasong Qualified Rape nga walay piyansa.
- Jhonrey Dayaba, 19 anyos, ulitawo, taga Butong Quezon, Bukidnon.
Si Dayaba gisikop sa kapulisan sa Opol Municipal Police Station ug Quezon Municipal Police Station, Bukidnon tungod sa kasong Frustrated Murder nga dunay piyansa nga 120-mil pesos.
- Rowena Gales Saluper, 33 anyos, minyo ug taga Purok 1, Barangay Agay-ayan, Gingoog City.
Si Saluper gisikop sa kapulisan sa Gingoog City tungod sa kasong Grave Oral Defamation nga dunay piyansa nga sais-mil pesos.
