6 KA ARMADO NGA PERSONA NGA NAGAPANGSAKA-SAKA SA BALAY SA ANILAO,ILOILO INDI MATUOD SUNO SA PNP

148

 

ILOILO – Gin-athag ni PSI Ronald Paclibar sang Anilao Municipal Police Station nga indi matuod ang report nga may 6 ka armado nga persona nga nagapangsaka-saka sang balay sa Anilao, Iloilo.

Suno kay PSI Paclibar, wala sang may nagparecord ukon nagpablotter nga may kasubong nga hitabo sa banwa.

 
“Sa amon sa banwa sang Anilao waay man sang may nagparecord or nagpablotter nga may ginsaka nga balay… May ara kuno balay nga ginsaka, ginkadtuan namon negative man. May ara kuno nga nag-agi nga tawo, te normal man lang na nga may maagi nga tawo,” si PSI Ronald Paclibar sa interview sang RMN Iloilo.

 
Ginvalidate sang Anilao MPS ang impormasyon kag nagagwa nga haka-haka lang ang mga impormasyon.

 
Ginpanugyan man ni PSI Paclibar ang mga pumuluyo sa Anilao nga indi magpakulba sa nagalagaw nga estorya bangod ang pulis nagapulaw kag wala untat nga nagamonitor sa ila banwa kag handa magbulig sa tanan nga tion.

 
Nahibaluan nga tuman ang kabalaka sang mga pumuluyo ilabi na ang mga OFW nga ang pamilya ara sa banwa sang Anilao bangod sang nagalapta nga impormasyon.


Facebook Comments