Davao City – Giayudahan na sa Local Government Unit (LGU) Tagum City ang apektadong pamilya sa nahitabong sunog sa Purok 3, Unit 2, Rattan, Barangay Apokon, Tagum City, Davao del Norte.
Sa pakighinabi sa DXDC RMN Davao kang Fire Officer 2 Hanefa Bastian, personahe sa Bureau of Fire Protection (BFP) – Tagum, iyang gibutyag nga nagsugod ang kalayo sa balay sa usa ka Narciso Maneja.
“Nagsugod gyud sya sa abuhan. Siguro ang kalayo (napalid) kay hangin baya. Tapos ang panahon ato diria, muinit kalit tapos muhangin,” segun ni Bastian.
Tungod sa insidente, 3 ka balay nga totally damaged ug 3 ka partially damaged, lakip na niini ang usa ka paabangan nga balay, nga pulos gama sa light materials. Wala usay gikatalang casualty.
RadyoMaN Kirby Manzon
Facebook Comments
