6 ka crew arestado ug milyones nga kantidad sa smuggled cigarettes nasakmit sa Navy

Davao City- Arestado sa Naval Forces Eastern Mindanao (NFEM) ang unom ka mga Filipino crew nga sakay sa banca nga adunay kargadang milyones nga kantidad sa smuggled nga sigarilyo sa Palimbang Point, Sultan Kudarat, South Cotabato.

Gidala ang mga kontrabando ug mga crew sa Capt. Feraniel Pier sa NFEM, Panacan ning syudad para sa saktong disposisyon karong adlawa.

Segun si CDR Ronald Paras, Commander sa Naval Task Group 71.1 nisulay pa og ikyas ang illegal nga banca ug malampuson kining nadakpan sa Navy.

Ang suspisyuhong panakayang pandagat pabyahe sa Jolo, Sulu dihang nasiplatanan kini sa barko sa Navy nga BRP Artemio Ricarte (PS 37) kinsa nagpahigayon og regular nga pagpatrolya sa kadagatan.

Gideterminar pa sa Bureau of Customs Davao ang kantidad sa nasakmit nga mga sigarilyo samtang nipahigayon og paneling operation ang PDEA 11 K9 unit.

Kasong paglapas sa RA 4712 kun an Act amending certain sections of Tariff and Customs Code of The Philippines ang atubangon sa mga suspek.

RadyoMaN Aimee Guinita