Wala makapalag ang 6 ka mga drug suspects sa gikasa nga simultaneous drug operations sa mga local police sa Surigao del Sur, sa mi-aging adlaw.
Unang nasikop sa operasyon si Walter Avila Lamela, 38 anyos, residente sa Purok 9, Barangay Kauswagan, San Agustin kinsa nakuhaan ug 0.423 grams sa drugang shabu nga mibalor sa Php 5,000 ug Calibre 45 nga pistola nga loaded sa mga buhing bala,gisundan gilayon kini sa pagsikop kang Teofilo Sindo ug Rosemarie Fernandez sa Purok 1, Brgy. Otieza, San Agustin, human nakuhaan sa posisyon ug balor 3,500 pesos nga drugang shabu.
Samtang sunod nga nga nadakpan sa gikasa nga Buy-Bust operation sila Charlo Vic Pepon, 23 anyos, ug Davi’s J Bagundol, 28 anyos, nga taga Purok-10A Sug-obon, Brgy Tabon, Bislig City nga nakuhaan sa 0.48g sa shabu nga mikantidad sa 6,000, ug usa ka George Argos Dumagan, 42, anyos Purok 1A, Barangay Poblacion, Barobo, nga dunay total nga 0.3grams sa ‘shabu’ sa kantidad nga 3,540 ug mga illegal drug paraphernalia.
Sa kasamtangan ang 6 ka mga suspects ang gibalhog na sa karsel ug hingpit nang napasakaan sa kasong paglapas sa RA 9165 kon Comprehensive Dangerous Drug Act of 2002.
Sent from my Samsung Galaxy smartphone.
