Davao City – Dugang eskwelahan sa syudad sa Davao ang himuong isolation facilities alang sa magpositibo sa Coronavirus Disease 2019 (COVID-19) ilabina nga extended hangtud Hunyo 30, 2021 ang Modified Enhanced Community Quarantine (MECQ) status sa Davao City.
Gibutyag ni Dr. Ashley Lopez, City Health Office (CHO) Acting Head (sa interbyu sa city-owned radio) nga anaa sa unom (6) ka eskwelahan ang i-convert isip isolation facility, diin sa June 14, 2021, nahimuan na og assessment ang Mintal Elementary School ug padayong i-assess ang dugang lima ka pasilidad kun eskwelahan.
“We have added several isolation facilities, isolation facilities. Naa ‘mi gina-consider nga unom (6) ka eskwelahan nga himuon nato, i-develop nato as isolation facility,” sulti ni Lopez.
Dugang ni Lopez, adunay usa ka hotel nga abrihan isip isolation facility ug ginaplastar na lamang ang personahe nga maoy magbantay niini.
Nangayo usab og abiso ang health official ilabina sa pagkadelatar sa pagkuha sa ubang COVID-19 patients sa ilang mga pinuy-anan padulong sa isolation facilities.
RadyoMaN Kirby Manzon
