Davao City – Arestado sa kapulisan San Pedro ang unom ka indibidwal human naabtan sa mga awtoridad nga nagdula og billiard sa gikasa nga anti-illegal gambling operation sa pagpanguna ni Police Senior Master Sergeant Alvar Masher Basirul ang Team Leader alas 3:30 sa hapon September 12, 2025, sa Malforie Building Bankerohan Brgy. 5-A Davao City.
Sa report gikan sa San Pedro Police Station giila ang mga nadakpan mao sila alyas “Putot” 47 anyos, taga Matina Crossing; alyas “June” 52 anyos; alyas “Taba” 37 anyos, taxi driver; alyas “Jumar” 18 anyos, estudyante; ug alyas “Reynan” 39 anyos, parehong residente sa Purok 1, Bankerohan Brgy. 1-A ning dakbayan.
Narekober sa mga awtoridad gikan sa posisyon sa mga dinakpan ang unom ka tako, usa ka set nga billiard balls ug Php 600.00 nga bet money.
Ang unom ka mga dinakpan mag-atubang og kasong paglapas sa Republic Act 9287 ug giandam na karong adlawa og ipasaka ngadto sa korte.
RadyoMan Don Pulayao
Facebook Comments
