Liloy, ZDN-Gapadayun ang paghatud ngadto sa mga Barangay og mga serbisyong Medical ug Dental ang kagamhanang Probinsyal sa Zamboanga del Norte ubos sa pagpangulo ni Governor Roberto Y. Uy.
Diin adunay unom ka mga Barangay sa lungsod sa Liloy ning lalawigan ang nakapahimulos sa Halad sa Gugma nga Medical og Dental Outreach nga programa sa probinsya.
Ang mga Barangay langkob sa San Miguel, Tapican , El Paraiso , Canaan ug ang Barangay Banigan ang nakatagamtam sa maong Medical Outreach.
Mokabat sa dili mo menus 700 ka mga lumulupyo sa mga Barangay nga nahisgutan sa unahan.
Diin nagpunsisok ug gihugupan sa katawhan ang nasangpit nga kalihokan , didto napahigayon sa covered court sa Barangay Banigan , sakop sa Liloy.
Ang mga serbisyong gilugway sama sa libreng konsulta , ibot sa ngipon , tuli , libreng bitamina og tambal.
Nag-apod apod usab og mga kinilong bugas, noodles ug salmon sa kada pamilya , aduna usab supplemental feeding alang sa mga hamtong og kabataan.
Ang Halad sa Gugma , gipasiugdahan kini sa kagamhanang probinsyal pinaagi sa Medical Team, inabagan usab sa Sangguniang Panlalawigan sa pagpanguna ni Vice Governor Senen Angeles , Local Government Unit sa Liloy ilawom sa pagdumala ni Mayor Roberto Lim Uy Jr. ug sa mga Barangay Council.(PIC-ZSM)
