6 ka mga lalaking estudyante nadakpan sa akto nga nag-marijuana

17

Unom ka mga lalaking estudyante gikan sa duha ka mga eskwelahan sa Dakbayan sa Sugbo diin duha niini mga menor de edad ang anaa karon sa kustodiya sa kapulisan human sila nasakpan sa akto nga nagpot session luyo sa Cebu City Sports Center kagahapong adlawa .

Matod sa hepe sa Station 1 nga mao ang Fuente Police Station sa dakbayan, Chief Insp.Maria Theresa Macatangay, usa ka concerned citizen ang nipahibawo sa ilang buhatan labot sa grupo sa mga estudyante nga giingong nagpot session ug gialegar nga naggamit og marijuana .

Tungod sa daling pagrespondi sa maong alarma gumikan sa kaduol ra sa nahimutangan sa mga batan-on ug sa buhatan sa Police Station 1, nadakpan ang unom ka mga estudyante nga naka-uniform pa niadtong higayona .

Nasakmit sa kapulisan ang usa ka sanga sa marijuana ug usa ka botilya sa marijuana blossoms gikan sa grupo .

Facebook Comments