6 ka mga miyembro sang BIFF nagsurender sa Maguindanao.

Anum pa ka mga miyembro sang Bangsamoro Islamic Freedom Fighters Bungos Faction ang nagsurender sa Maguindanao, suno kay Lt. Gen. Corleto Vinluan, Jr., Commander sang Western Mindanao Command.
Ginsurender man sang mga ini ang duha ka M16A1, 1 ka M14 kag tatlo ka cal. 30 Garand, M16 kag M13 magazines kag mga bala.
May-angot sini, ginaawhag naman ni Maj. Gen. Juvymax Uy, Commander sang JTF Central ang mga nabilin pa nga mga miyembro sang BIFF nga magsurender na agud makapangabuhi sang matawhay upod ang ila nga pamilya.
Suno sa iya sa subong kadam-an sang mga nagsurender ang naga-enjoy na sang nabaton nga benepisyo kag ayuda sa idalom sang AGILA-HAVEN program sang Maguindanao kag DIWATA-HAVEN sang Cotabato.
Umpisa Enero subong nga tuig yara na sa145 ka mga miyembro sang BIFF ang naneutralized sang tropa sang JTF Central sa diin 100 ang patay kag 45 ang nagsurender.

Facebook Comments