Sumala ni Police Captain Hazel Tuazon, Davao City Police Office (DCPO) spokesperson, sa napulo ka mga operasyon subay sa gipakusgang seguridad sa 2023 Barangay and Sangguniang Kabataan Election gikan niadtong Agosto 28 hangtod Setyembre 17,2023, siyam ang natalang violators sa gun ban ug lakip na niini ang unom ka mga giingong nisukol patay nga mga armadong suspek.
Sa maong period, 11 ang narekober ug nakumpiskang mga armas sa mga awtoridad ug tanang violators ang napasakaan na og kaso.
“Naay nadakpan ani sa checkpoints, sa buy-bust operations then naa pod mga reported sa atong mga concerned citizens nga naa silay nakita nga mga kadudahang tao ug giaksyunan sa atong kapulisan nga actual pod unta nga mangawat sa usa ka balay mao ng nakuhaan pod sila’g mga firearms and deadly weapons. Consolidated na ni siya, lain-lain na ni siya nga operations sa atong kapulisan gumikan kay under man ta sa Gun Ban karon sa Comelec,” sumala niini.
Samtang, 20 na ka mga deadly weapons ang nakumpiska ug walo ang nadakpan.
Musumada sa 1,449 ka mga checkpoints ang napahigayon sa kapulisan ug 11,529 ang mga na-deploy sa DCPO-COMELEC checkpoints.
RadyoMaN Aimee Guinita
