Anaa na sa ilang matag pamilya ang patayng lawas sa 6 ka mga biktima nga naanod sa tubig-baha ang gisakyan nilang dump truck ug nalumos samtang mitabok sa suba sa Singaran sa lungsod sa La Libertad ning lalawigan sa Zamboanga del Norteniadtong Lunes.
Base sa report , managlahi nga nakita ang mga patayng lawas sa tabang sa mga otoridad kauban ang mga residente .
Ang patayng lawas ni Lilia Parojinog Eleobido, 54-anyos, ang unang nakita niadtong gabie sa Lunes nga gi-anod sa maong suba sa La Libertad.
Miabot usab sa Dampalan River sa Dapitan ang patayng lawas sa 18-anyos na si Delmark Bale Pioco nga narekober sab ayha mag-tungang gabie niadtong Lunes.
Kaniadtong Martes sa dihang narekober ang patayng lawas ni Jhoanna Ciano Tuse, 40-anyos, sa suba sa Barangay Simay sa Dapitan.
Sunod usab nga narekober ang patayng lawas nila ni Jun Gio Obordo, 22-anyos, ug Federico Melancio Calunsag sa Barangay Opao River, Dapitan.
Mga alas-5:40 sa kadlawon karong bag-o sa dihang makuha ang patayng lawas sa ika- unom nga biktima nga si Rosemarie Alvarico Pactorayan, 47-anyos, sa suba sa Barangay Oyan, Dapitan.
Giingon ni SPO2 Reczim Daquipil, ang imbestigador ng kaso, nga mga alas-3:50 ng hapon niadtong Lunes mihimo sa pag-pang quarry ang mga biktima sa maong suba taliwala sa kusog nga bundak sa ulan.
Ulahi na matud pa sa dihang namatikdan sa mga biktima nga midako na tubig-baha apan misulay pa gihapon sa pagtabok sakay sad ala nilang dump truck.
Ang dump truck narekober matud pa 200 metros ang gilay-on gikan sa nahitaboan sa insidente.
