Davao City- Laing unom ka sakop sa Underground Mass Organization sa Front 2 sa CPP-NPA-NDF ang boluntaryong mitahan sa 71st Infantry Division Philippine Army sa Barangay Nueva Visayas Mawab, Comval Province.
Gipanguluhan sa usa ka alyas Jian ang pagtahan sa unom ka miyembro sa UGMO alas 10:00 sa buntag miaging adlaw.
Nasayran nga si Jian maoy chairperson sa komitiba nga tig-organisa sa mga barangay nga gitukod sa CPP-NPA-NDF.
Nasuta nga ang KTO ikaduhang ang-ang sa indoktrinasyon alang sa mga myembro nga anaa sa mga kabarangayan aron maprepara sila sa laing level.
Kabahin sa ilang mga tahas mao ang pag-organisa sa mass base, pagmonitor sa presensiya sa mga sundalo, ug pagkolekta sa extortion money.
Matud ni Jian, supak sila sa manipulasyon nga ginahimo sa CPP-NPA-NDF ngadto kanila apan wala silay laing mahimo gawas sa pagtuman tungod mabutang sa delikado ang ilang mga kinabuhi kung dili sila magtuman.
Naaghat ang unom gumikan kay wala na kuno sila makasabot sa pamalaod ug ginapabuhat kanila sa CPP-NPA-NDF batok gobyerno.
Matod pa kang 71st IB Civil Miltiary Operation Officer Captain Jayrald Terio, ang pagtahan sa unom maoy pinaka una nga batch sa mga surrenderees karong tuiga diin gilauman nga mas mudaghan pa kini sulod karong tuiga.
RadyoMaN Joel Viray
