Sindangan- Ang hinu-usang pwersa sa Provincial Intelligence Branch, Branch, Zamboanga del norte police provincial office led by P/Supt Stephen Bullecer Daang ug PNP personnel sa Sindangan Mps sa pagpangulo ni Psupt Rolando Hernandez Barraquio nagpahigayon kini ug entrapment operation didto sa brgy. Mandih sakop sa lungsod sa Sindangan.
Malampuson nilang naaresto si Ma. Lina Paculanang Baynosa, 54 anyos, menyo, ug usa ka magtutudlo, molupyo kini sa nahisgutan nga barangay.
Matod pa nakadawat sila ug taho nga ang maong suspek nangayo kini ug (P15,000)mil ngadto kang Gladys Cabili Bereber, 44 anyos nga taga Purok Rosal Veterans Village, lungsod sa Ipil, Zamboanga Sibugay. Nahitabo kini niadtong adlawng myerkules.
Ang gipangayo sa supsek para matod pa kini sa galastuhaon sa Company Profile ug nagpatuo kini nga adunay gahum ug konektado matod pa siya sa Office of the President ug sa President sa Land Bank Of The Philippines.
Sa nahimong entrapment operation nakuha sa posisyon ni Ma. Lina P. Baynosa ang (P5,000)mil.
Lakip usab nga nasikop ang mga nagkonsabo ug nagtinabangay sa matag usa nga sila si Leonides B. Baynosa, 59, nga taga brgy. Mandih, Sindangan,Felisa M. Baruman, 52, nga taga bagong Silang, Iligan City; Ruby P. Carmona, 58, taga Tangon, Bacolod City; Roy T. Pepito, 51, brgy. Mandih, Sindangan; ug Florecio B. Tan-awon, 61, nga taga babay, Liloy.
Ang unom nga naaresto gibalhog na kini karon sa balay bilangguan sa Sindangan samtang nagpaabot sa kasong ipasaka kanila.
