Davao City – Sikop sa kapolisan sa Toril ug San Pedro sa buy bust operation alas 11:00 sa gabii human napalitan og usa ka sachet nga shabu ang unom ka mga tawo nga naaktohang nag-pot session sa mga police sa Purok 1, Brgy. 9-A Poblacion, syudad sa Davao.
Mga dinakpan mao sila Ronald Rubio Abrea, 25 anyos, residente sa Awhag Vill.,Bacaca, Brgy 19-B, Mark Fuentes Morales, 39 anyos, truck helper, Woody Fuentes Morales, 30 anyos, layout artist, parehong residente sa Purok 1 Brgy. 9-A, Romel Rubio Abrea, 23 anyos, laborer, taga-Awhag Vill., Bacaca, Brgy 19-B, ug Julius Salas Madrigal, 26 anyos, nagpuyo sa Molabe, Indangan, Buhangin, Davao City.
Narecover sa kapulisan ang laing 11 ka paketeng shabu gikan sa mga suspek nga dunay estimated market value P12,000.00, P500.00 buy bust money ug drug paraphernalia.
Ang mga dinakpan gipriso sa Toril Police Station ug mag-atubang og kasong kalapasan sa RA 9165 (Comprehensive Dangerous Drugs Act of 2002).
RadyoMan Don Pulayao
