TACLOBAN CITY – Opisyal na nga ginturn over han National Government ngan Cebu-based Vallacar Transit Incorporated ngadto ha Tacloban City Government an unom ka units han bus nga makakabulig ha mga residente nga nag uukoy ha Tacloban North ressetlement sites.
Kulang pa man gud iton mga transportasyon tipakadto ha resettlement area kun diin kasagaran nga biktima han Bagyong Yolanda in aadto na nag uukoy.
Problema man gud an ira transportasyon ilabi na nga an ira pakabuhi in aadi ha downtown area han Tacloban.
Sanglit, nakit-an han national government nga kinahanglan hin bus nga magdadara ha ira, ha ira mga trabaho tibalik ha ira panimalay.
Kakulop, kaupod hi Presidential Assistant for the Visayas nga hi Michael Dino, Regional Council co-chair Kenneth Cobonpue, Vallacar Transit Cebu North branch Manager Engr. Gilbert Polancos ngan hi Tacloban City Mayor Cristina Romualdez, gintatag-iyahan na han City Government an mao nga mga bus.
