Patay ang anum ka miyembro sang pamilya Seminion samtang pilason ang 17 ka iban pa matapos naigo sang kilat sa Sitio Baras-Barasan, Barangay Manlocahoc, Sipalay City , Negros Occidental ala 1:30 kaina sang hapon, Abril 18.
Ang mga napatay amo sanday Mary Tejoc, 35 anyos ; Mariel Montecino, 12 ; Charlene, 12; Mae Ann, 9 ; Ardemiel, 10 kag Rose, 5 ka tuig ang edad.
Nahibaluan nga nag-upod ang mga kabataan sa ila mga ginikanan nga karga-tapas sa plantasyon sang tubo sa nasambit nga lugar sang hinali lang nagtupa ang ulan.
Nagpasilong ang mga biktima sa puno sang kahoy sang nagpangilat kag naigo ang mga ini.
Padayon nga ginabulong sa hospital ang 17 ka mga pilason.
(credit: kjpg)
Facebook Comments
