Anim ang kumpirmadong patay sa nangyaring sunog sa Number 1888 Tioco Kanto ng Tapuri Street, Brgy. 89, Zone-8, Herbosa, Tondo, Maynila.
Ayon sa Manila Fire District, nakilala ang mga nasawi na sina Nathalie Nicole Sorbito, 17-anyos; Shane Bernadette Sorbito, 16-anyos; Elizabeth Mendoza, 48-anyos; Janet Rosales, 49-anyos; Remedios Pacia, 70-anyos at Eugenio Pacia, 48-anyos.
Sinasabing hindi na nakalabas ng kanilang bahay ang mga biktima dahil sa biglaan ang nangyaring sunog.
Nagsimula ang apoy sa ikalawang palapag na bahay ni Alfredo Estabillo, alas-6:37 ng umaga sa hindi pa malamang dahilan, na inabot naman ng unang alarma at idineklarang fireout alas-7:52 ng umaga.
Nasa walong bahay ang nadamay sa sunog at aabot sa 20 pamilya ang nawalan tirahan.
Aabot naman sa ₱150,000 ang estimated damages ng nangyaring sunog habang dalawa ang naitalang sugatan dahil sa insidente.