6 sachet han shabu narikupo han PDEA, suspek arestado

KANANGA, LEYTE – Arestado han PDEA an 27 anyos nga lalaki nga nagbabaligya hin illegal nga droga ha Brgy. Tugbong, Kananga, Leyte.

Ginkilala an suspek nga hi Nelson Montejo Almaden, waray asawa, waray trabaho ngan residente ha Brgy. Sto. Nino ha mao nga bungto.

Ha gindumara nga buy-bust operation han PDEA, narikupo tikang ha suspek an 6 ka pakete han transparent plastic sachet han gin-aaligar illegal nga droga nga may kabug-at nga 3.0 gramo nga nagkakantidad 15, 000 pesos.


Maatubang an suspek ha mga kaso nga sale ngan possession of illegal drugs.

Paslak na an suspek ha PDEA dentention facility.

Facebook Comments