Dumalag, Capiz – Yara na sa state of decomposition sang masapwan ang bangkay sang 60-anyos nga lalaki sa sulod sang iya payag sa Barangay San Jose, Dumalag, Capiz.
Ginkilala ang biktima sa kay si Paterno Fandag, isa ka laon kag residente man sang nasambit nga barangay. Base sa panaysayon sang iya pamilya, ginkatingala sang iya mga kauturan nga tatlo ka adlaw na ini nga wala nakapakita.
Bangud sini ginpadulungan sang iya mga utod ang payag ni Paterno kag didto nasapwan nga isa ka mayami nga bangkay kag nagakaagnas na.
Nahibaluan nga masami naga-inum sang makahulubog nga ilimnon ang biktima apisar may ginabatyag ini nga balatian. Nagapati naman ang pamilya ni Paterno nga wala sang foul play ang kamatayon sini. Nagpamalibad naman ang pamilya nga ipaidalom sa autopsy ang bangkay sang tigulang.
