Davao City – Kapin 60 ka mga sakyanan ang naisyuhan og citation ticket ug Temporary Operating Permit (TOP) human gilusad sa kapolisan ang Oplan Lambat Bitag Sasakyan sa San Pedro PNP ug Sta. ana PNP.
Sa datos sa Sta. Ana PNP, 12 ka mga single nga motorsiklo ang naisyuhan og TOP, lima ka mga sakyanan ug 19 ka motorsiklo ang naisyuhan og citation tickets samtang lima usab ka mga sakyanan ug duha ka motorsiklo ang na impound sa gilusad nga operasyon sa R. Castillo Agdao, Dacudao ug Cabaguio ning siyudad.
Samtang sa San Pedro PNP, gipahigayon usab ang maong operasyon sa upat ka mga lugar sa Bucana Road, trading Boulevard, Barayco Bankerohan, Bacaca Road ug dalang San Rafael, diin 21 ka mga motorsiklo ang naisyuhan og citation tickets, usa ka sakyanan ug upat ka mga motorsiklo ang naisyuhan og TOP samtang lima ka mga sakyanan ug usa ka motorsiklo ang naimpound sa ilang buhatan.
Sagad sa mga violators adunay expired nga lisensiya, wala pagsuot sa seatbelt, ug wala ka-renue sa rehistro sa ilang sakyanan.
RadyoMaN Don Pulayao
