60 ka pasyente, naadmit sa NMMC atol sa kampanya batok COVID-19

24

Mokabat na sa 60 ka mga pasyente ang na-admit sa Northern Mindanao Medical Center kon NMMC sulod sa duha ka bulan sa kampanya sa gobyerno batok sa Coronavirus Disease o COVID-19.

Matud ni Dr. Jose Chan, Medical Director sa NMMC nga ang kadaghanan sa maong mga pasyente, halos negatibo na sa Corona Virus human migawas ang resulta sa ilang Swab Testing sa Department of Health kon DOH.


Matud ni Chan nga lakip sa 60 ka mga pasyente ang unom ka Covid victims nag-positibo sa maong virus.

Apan gipasabot ni Dr. Chan nga sa unom ka positive sa Covid, tulo na lang niini ang nagpabilin karon sa maong ospital sa gobyerno dinhi sa Northern Mindanao.

Matud ni Chan nga kining tulo nga Covid Positive, nagpa-ayo pa sa ilang sakit samtang naghulat sa ilang ika duhang swab testing sa DOH.

Facebook Comments