Davao city –Anaa na karon sa disposition sa Davao City Police Office Explosive Ordinance Division (DCPO-EOD) ang 60 mm mortar nga nakit-an sa basurahan sa Talisay Buhangin ning dakbayan alas 7:30 sa gabii.
Samtang nagpadayon pa ang ginahimo ang imbestigasyon sa Buhangin PNP aron masayran kung kinsa ang nagbutang sa mortar sa basurahan ug unsa usab ang motibo niini.
Nasuta sa inisyal nga imbestigasyon, nakuykoyan ang mortar sa metal nga garbage bin samtang nagkolekta og basura si Jaime Daguid, 56 anyos.
Nasayran nga si Sandy Bulawan na ang nagtaho sa kapulisan labot sa nakita ni Daguid ug dihang nakumpirma nga 60 mm mortar gilayon giindosar kini sa DCPO-EOD alang sa disposition.
Ang dili pa lang masuta ni Police Chief Inspector Jack Tilcag kung pagpanghulga ba o may kalabotan sa terorismo ang pagbilin og mortar sa basurahan sa nasangpit nga lugar.
RadyoMaN Joel Viray
