Bumaba ng halos 60% ang mga prank o pekeng tawag sa Unified 9-1-1 Hotline.
Ayon kay Department of the Interior and Local Government (DILG) Secretary Jonvic Remulla, malaki na ang ibinaba nito mula sa 60% prank calls noong 2024, sa 0.17% ngayong taon.
Ayon sa 24th Emergency 911 Commission Conference, nasa 98.62% naman ang efficiency rate ng Unified 911.
Kasunod na rin ito ng pagkakaresolba ng 872,586 mula sa kabuuang 884,809 tawag mula September 8 hanggang 24.
Nasa 1,495 lamang ang prank calls habang 12,223 naman ang dropped o abandoned calls.
Naging posible ito dahil sa modernisasyon ng sistema na ngayon ay may geolocation tracking at active caller directory na nagbibigay-prayoridad sa mga lehitimong tawag.
Facebook Comments
