600 draybers ug konduktor surpresang gi-drug test sa PDEA 11

Davao City-Surpresang gi-drug test ang kapin kun kulang 600 ka mga bus drivers, taxi ug mga konduktor atol sa Oplan Harabas sa Philippine Drug Enforcement Agency (PDEA) 11 karong adlawa.

Segun ni Naravy Duquiatan, PDEA 11 Regional Director, gilusad ang operasyon subay sa RA 10586 Anti-Drunk and Drugged Driving Act of 2013z

Gitinguha sa PDEA 11 uban ang Land Transportation Office (LTO) 11, Land Transportation Franchising ang Regulatory Board (LTFRB) 11 ug Davao City Overland Transport Terminal (DCOTT) nga luwas ang mga pasaherong mubyahe karong Undas ug walay mga draybers nga lango sa droga.

Simultaneous usab nga gihimo ang drug test sa Gmall Van Terminal, Tagum Overland Integrated Terminal ug Digos Bus Terminal.

Sumala ni Duquitan, ipailawom sa confirmatory test ang magpositibong drayber.

Samtang, gibutyag ni Rey Tzaddi Montenegro, LTO 11 Regional Law Enforcement Service Traffic Safety Unit Head, isyuhan nila og TOP ug pasakaa’g kaso ang drayber nga kumpirmadong positibo sa droga.

RadyoMaN Aimee Guinita