Nabahagian ng bigas at food packs ang 600 jeepney drivers sa Dagupan City bilang tulong sa kanilang pamilya sa gitna ng pagtaas ng presyo ng gasolina.
Ayon sa lokal na pamahalaan, layunin ng pamamahagi na maibsan ang epekto ng patuloy na pagtaas ng presyo ng krudo na nagdudulot ng dagdag na pasanin sa sektor ng transportasyon at sa pang-araw-araw na gastusin ng mga pamilya.
Ipinamahagi ang tulong sa pakikipagtulungan ng mga kinauukulang tanggapan ng lungsod upang matiyak na makarating ito sa mga benepisyaryo.
Binigyang-diin din na mahalagang masuportahan ang mga jeepney driver na katuwang ng publiko sa pang-araw-araw na biyahe, lalo na sa panahong nahaharap sila sa hamon ng mataas na presyo ng gasolina.
Patuloy naman ang mga hakbang ng lokal na pamahalaan upang matugunan ang pangangailangan ng iba’t ibang sektor sa lungsod sa gitna ng kasalukuyang sitwasyon. |𝙞𝙛𝙢𝙣𝙚𝙬𝙨𝙙𝙖𝙜𝙪𝙥𝙖𝙣
