Gibana-banang kapin sa tunga sa milyon ka pesos o 600-mil pesos ang damyos sa sunog sa Block 4, District 7, Barangay Puntod ning syudad.
Matud ni FO3 Jezreel Lasaga, Fire Arson Investigator sa Bureau of Fire Protection nga nadawat nila ang tawag mga alas 2:50 kagahapon sa hapon ug na fire out mga alas 3:55 sa hapon.
Niabot sa 4th alarm ang sunog diin mga napulo ka balay ang apektado.
Nagsugod ang kalayo sa balay ni Abelino Daclag ug mikaylap kini sa mga balay nilang Marina Cataluna, Cita Gumapac/ Jurito Gucor/ Alma Gucor, Lina Mendoza, Thata Jadap Homeres, Adelyn Uayan, Johnny Villamor, Rey Daclag, James Lavisores ug Mercid Obece.
Niabot sa siyam ka mga fire trucks ang nakaresponde sa maong sunog.
Facebook Comments
