General Santos City—Sikop sa operatiba sa Police Station 3 ang usa ka Alias Fredie Casubes, 61 anyos, sikad driver, nga taga Barangay Pioneer, Barangay Lagao, Gensan kansa suspek sa pagpanglugos sa 9 anyos nga batang babaye nga taga Barangay Lagao, Gensan.
Nasayran nga una nang misumbong sa Police Station 3 ang ginikanan sa 9 anyos nga bata nga itago lang sa pangalang si alias Mayet human misumbong ang biktima nga matud pa gilugos kini sa sikad driver.
Sa inisyal nga imbistigasyon sa kapulisan nasuta nga 12:30 ang takna sa hapon kagahapong adlawa, misakay ang biktima sa Sikad sa suspek sa may NLSA Road apan siya gidala sa suspetsado sa may Purok Maunlad, Barangay Apopong ug didto na gilugos.
Gihatud pa sa suspek ang biktima sa ilang panimalay sa Barangay Lagao ayha kini misibat.
Gilayon nga nagpahigayon ug hot pursuit operation ang kapulisan, tungod naglisod ug describe ang bata sa suspek, ilang gisuta sa usa ka gasolinahan sa may Barangay lagao diin nakit-an sa CCTV Footage nga nagpatubil pa ang nasangpit.
Didto na mihilak ang bata ug iyang gikumperma nga ang maong tawo maoy naglugos kaniya. didto na natuoran sa kapulisan ang nahimutangan sa suspek ug malampuson kining nasikop.
Narekober sa iyang posisyon ang usa ka box sa Cream nga pangpagahi matud pa sa kinatawo sa nasangpit kansa gituohang gigamit sa suspetsado. Kasong lugos ang gikatakdang atubangon sa maong lolo.
