General Santos City—Sikop sa Operatiba sa Malungon PNP ang usa ka Quintay Jamale, 62 anyos, residenti sa Sitio Rancho, Barangay Nagpan, Malungon, Sarangani Province atol sa ilang gihimong manhunt Charlie sa maong lugar niadtong nakalabayng adlaw.
Bitbit sa kapulisan ang warrant of arrest sa kasong adultery nga giatubang sa suspek diin ilang giadtuan ang panimalay niini alas 6:00 sa buntag.
Malampuson usab nga nasikop ang nasangpit human naabtan gyud kini sa kapulisan sa ilang panimalay.
Sa karon ang suspek anaa na sa kustudiya sa Malungon PNP ug commitment order nalang ang gipaabot aron nga mabalhin kini sa Sarangani Provincial Jail samtang mamahimo man usab nga maangkon sa nasangpit ang temporaryong kagawasan higayon nga kini makapyansa sa kasong iyang giatubang.
