Liloy, ZDN-Kaguol karon ang gibati sa pamilya sa biktima human kini naghikog niadtong adlawng martes setyembre 25, 2018 didto sa may Brgy. Goin, Liloy, ZDN.
Sa gihimong pag imbistiga ni PO2 Argie M. Lihaylihay sa PNP Liloy nasayran nga 9:00AM ang biktima nga si Salomon Bato Bauyan, 63 anyos natulog kini sa ilang terrace uban sa iyang asawa nga si Maria M. Bauyan, gituohan kining pareha nga hubog niadtong higayona.
Mga 1:30PM sa maong adlaw ang iyang anak nga si Arlene, nakugang nalang nga wala na’y kinabuhi ang iyang amahan ug nagbitay sa ilang terrace sa ilang balay gamit ang pisi nga gihikot sa liog sa biktima ug gituohan kining nagpakamatay.
Dugang nasayran, saysay sa iyang pamilya nga ang biktima misulay sab kini paghikog sa makaduha nga higayon tungod sa personal nga problema.
Ang pamilya sa biktima walay mahimo kun dili sa pagdawat sa gidangatan sa ilang kabanay.
