63 ka karton sang makahulubog nga ilimnon, nakumpiskar sang kapulisan sa Banate, Iloilo

37

Nakumpiskar sang kapulisan ang 63 ka karton sang makahulubog nga ilimnon sa banwa sang Banate, Iloilo las 9:00 sang gab-i, Hunyo 19, 2021.

Ginkilala ang driver sang truck kay Ryan Espinosa, 37 anyos sang Talokgangan, Banate.


Suno sa kay Pol. Staff Sgt. Chris Villaruel sang Banate MPS, nakabaton sila sang impormasyon nga may truck gikan sa syudad sang Iloilo nga may karga nga makahulubog nga ilimnon kag padulong sa isa ka lugar sa banwa sang Banate.

Naabtan sang Banate PNP nga nagapondo sa atubang sang isa ka balaligyaan ang truck kag posible nga idiskarga ang mga ilimon.

Matandaan nga gin-extend ni Governor Arthur Defensor Jr. ang Liquor Ban sa probinsya sang Iloilo tubtob Hunyo 30, 2021.

Facebook Comments