64 ANYOS NGA TATAY PATAY MATAPOS GINLUTHANG SANG SUSPEK NGA NAGAPANGALUYAG SA IYA ANAK NGA BABAYE SA BANWA SANG BANATE, ILOILO

3827

Patay ang biktima nga si Abelardo Agudyo 64 anyos sang Sitio Matingkong, Bgry. Juanico Banate Iloilo matapos nga luthangon alas- 6:30 kaina sang aga, sang suspek nga si Wilson Belgira 43 anyos sa nasambit man nga lugar.

Suno sa anak sang biktima, akig nga nagpadulong sa ila balay ang suspek kag naka- atubang sini ang biktima matapos nga naga-eskandalo ini sa gwa sang ila balay.

Bangud sa kaakig sang suspek nga si Belgira sa bata sang biktima, ginluthang niya ini nga naigo sa tiyan sa diin ginhingagaw pa dala sa hospital si Agudyo apang ginbawi-an gid sang iya hulam nga kabuhi.

Gilayon naman nga nagpalagyo ang suspek matapos nga natabo ang kremin.

Suno sa 33 anyos nga bata sang biktima una nga ginsulong siya kag gindumog sang asawa sang suspek nga si Lea Belgira kahapon nga adlaw matapos nga nagpangimon ini sa pagpangaluyag sang bana sini sa iya.

Hustisya ang ginapanawagan sang pamilya sang biktima sa ginhimo nga kremin sang suspek.

Facebook Comments