Gipasigarbo ug gipasidunggan ni Camp Alagar Regional Director Chief Supt. Timoteo Pacleb ang 645 ka mga Police officer sa Region 10 nga bag-o lang na-promote sa ilang la-in la-ing mga ranggo.
Kini nga pasidungog gihimo ni Pacleb atol sa Simultaneous mass oath taking and Donning of Ranks kagahapon sa buntag sa Camp Alagar.
Ang bag-ong na-promote nga mga Police na-assign kini sa la-in la-ing Police Unit sa City, Provincial ug Regional Police office sa Region 10.
Matud ni Pacleb nga ang na-angkon nga promotion sa maong mga police officer dili alang alang sa ilang authority apan nagdala kini sa dakong commitment sa ilang pag-serbisyo sa gobyerno.
Gi-aghat usab ni Pacleb ang maong mga bag-ong na-promote nga mga police nga magsilbi silang modelo sa PNP Organization.
Ang maong mga police mipasar sa Qualification standards nga gihimo sa Police Commission Officer Promotion committee ug Police Non Commission officer Promotion Board.
Maoy gibasihan sa Promotion Committee ug Promotion Board sa pag promote sa maong mga police ang Napolcom resolution No. 2013-501.
Lakip sa 645 ka mga Police officer sa Region 10 ang na-promote sila Chief Inspector Ian Datiles nga Most Senior Police Commission Officer o PCO ug SPO3 Cedric Bentuzal .
Sa ilang Acceptance speech, si Datiles ug Bentuzal parehong nagpasalamat sa Promotion Committee ug promotion Board Board sa Camp alagar sa pag-saka sa ilang mga ranggo .
