Mambusao, Capiz- Wala na sang kabuhi sang masapwan ang bangkay sang 65 anyos nga balo nga si Leduvina Esoma Y Lantoria mismo sa sulod sa atang-atangan sang iya balay sa Barangay Manibad, Mambusao, Capiz.
Suno kay PO2 Amosig, imbestigador sang Mambusao PNP mismo ang ginapahayag nga live-in partner sang biktima nga si Edwin Fernandez ang nakadiskubre sa amo nga bangkay takna alas sais sang aga, sang nagligad nga adlaw sang Byernes.
Ginpahayag ni Fernandez nga nagtulog ini sang Huwebes sang gab-i sa sang iya bayaw samtang nabilin naman sa iya balay ang biktima nga iya na gid lamang nasapwan nga patay na alas 6:00 sang aga. Padayon pa nga gina-imbestigaran sang Mambusao PNP ang amo nga insidente kun ayhan may yara sang foul play sa kamatayon sang biktima.
