Sumala ni Atty. Archie Albao, NBI-SEMRO XI Director nga naila na nila ang upat ka mga empleyado sa lokal nga panggamhanan sa Santa Cruz nga nalambigit sa malimbungon nga pagtanyag sa mga langyaw og birth certificate pinaagi sa late registration niadtong tuig 2018, 2019, ug 2021.
Gidugang ni Albao nga 66 na ka mga kaso ang ipasaka sa mga suspetsado nga gipasang-at sa Office of the Ombudsman Davao, nga may kalambigitan sa pagsupak sa Law on Civil Registry of Civil Status, Falsification of Public Documents, Graft and Corruption ug Perjury.
Sumala sa opisyal nga matawag kini nga pagpanglimbong tungud ang mga girehistro mga Chinese national ug dili kini mga pinoy.
Samtang gibutyag sab nga nagpadayon ang gihimo nga imbestigasyon tungod nadiskubrehan nga gikan 2016 hantud 2023, adunay mokabat sa 1,576 ka mga natanyag sa local Civil Registrar sa maong lunsud ngadtu na sa gituohang Chinese Nationals.
RadyoMaN Bien Abanos
